ده‌نگ نێت

 

قایمقامى قه‌زاى كه‌لار ده‌ڵێت: وێستگه‌ى تایبه‌ت به‌ كارى ته‌كسیه‌كان له‌ شارى كه‌لار به‌پێى شوێنى جوگرافی ده‌كه‌ینه‌وه‌.

 

 له‌ كۆبونه‌وه‌یه‌كیدا له‌گه‌ڵ یه‌كه‌ى چاودێری حكومه‌تى خۆجێی گه‌رمیان، سەبارەت به‌ پرسی رێکخستنەوەی تەکسیەکانی ناو شار، قایمقامی قەزای کەلار جەختی لەوە کردەوە: لە ئێستادا پێدانی مۆڵەتیان بە تەکسیەکان راگرتوە، چونکە رێژەکەیان زۆر زیادی کردوە.

 

وتیشى: پلانی ئەوەمان ھەیە کە وێستگەی تایبەت بە کاری تەکسیەکان لە شاری کەلار بەپێی دابه‌شبونى جوگرافی بکەینەوە و شوێنه‌كان بخەینە موزایەدەوە بەمەبەستی به‌ کرێدانی، ئەمەش کارەکانی ئێمە ئاسانتر دەکات.

 

به‌پێی راپۆرتێكى یه‌كه‌ى چاودێری حكومه‌تى خۆجێی گه‌رمیان، له‌ سنورى قه‌زاى كه‌لار، (595) ته‌كسی هه‌یه‌.