رادیۆی دەنگ

کێشانی جگەرە و بەکارهێنانی ڤەیپ لە نێو ناوەندەکانی خوێندندا لە گەرمیان پەرەی سەندوە، شارەزایەکی بواری پەروەردەش هۆشداریی لە مەترسییەکانی دەدات و داواش دەکات جگەرەکێشانی مامۆستایانیش لەناوەندەکانی خوێندن قەدەغە بکرێت.

بەڕێز عەباس، مامۆستا و شارەزای بواری پەروەردە لە گەرمیان، بۆ رادیۆی دەنگ دەڵێت: کێشانی جگەرە و بەکارهێنانی ڤەیپ لە نێو قوتابخانەکان و لە قۆناغی ئامادەییدا زیادیکردوە.

دەشڵێت: کۆمەڵێک هۆکار هەن بۆ ئەم بابەتە، یەکەمیان خێزانە کە بێئاگەیە لە مناڵەکەی، هاوکات بوە بەچاولێکەرییش.

وتیشی: یەکێکی تر لە هۆکارەکان خودی مامۆستایانن کە لە پێش چاوی خوێندکاران جگەرە دەکێشن و هەر خۆشیان بە خوێندکار دەڵێن مەیکێشە، ئەمەش پێچەوانەی یەکترە.

جەختی لەوەشکردەوە: پێویستە ئیجرائاتی توند هەبێت، هاوکات کێشانی جگەرە لە نێو ناوەندەکانی خوێندن لەلایەن مامۆستایانەوە قەدەغە بکرێت.