رادیۆی دەنگ

ژورێکی فەرمانگەی ئاوی ناحییەی زینانە لەگەرمیان پەنجەرە و دەرگاکانی دەشکێنرێت، بەڕێوبەری ناحییەکەش دەڵێت: کەسێکمان بە تۆمەتی ئەنجامدانی ئەو کارە راگرتوە.

بەپێی ئەم ڤیدیۆیەی بۆ رادیۆی دەنگ نێردراوە، ژورێک کە بیری ئاوی تێدایە، دەرگا و پەنجەرەکانی تێکشکێنراوە.

وەهاب ئەحمەد، بەڕێوبەری ناحییەی زینانە، بۆ رادیۆی دەنگ وتی: ئەو ژورە لەئێستادا بەکارناهێنرێت لەلایەن حکومەتەوە، لەماوەکانی رابردودا چەند گەنجێکی ناحییەکە داوایان کرد بەکاری بێنن بۆ شەو مانەوە، ئێمەش رێگەمان پێدان.

وتیشی: ئەمشەو لەلایەن گەنجێکەوە دەرگا و پەنجەرەکانی شکێنراوە.

بەپێی وتەی بەڕێوبەری ناحییەی زینانە، ئەو کەسەی تۆمەتبارە بەو کارە لەلایەن یاردەدەرێتی  ئاسایشی ناحییەکەوە دەستگیر کراوە و لەئێستادا بە پێی ماددەی ٤۷۷ لە یاسای سزادانی عێراقی کە تایبەتە به شکاندن و تێکدانی بەئەنقەست بۆ موڵک و ماڵی کەسانی تر، دەستگیر کراوە.