رادیۆی دهنگ- زریان محهمهد
له بۆشایی نهبونی ههلی دامهزراندندا، له قهزای كهلار كۆمهڵێك كچى دهستڕهنگین بڕیاریان داوه چاوهڕێی دهستی دهوڵهت نهكهن. ئهوان بڕوانامهكانیان كردوهته ههوێنی داهینان و به پهنجهكانیان، چیرۆكی ململانێیهكی توند لهگهڵ ژیان دهنوسنهوه.
ئهم كچانه نهیانهێشتوه بێكاریی بێئومێدیان بكات، بهڵكو به هونهری چنین، ناسنامهیهكی نوێیان بۆ خۆیان له بازاڕهكاندا تاشیوه.
رهنگهكان له دژی بێكاریی
سۆلین فاروق، دهرچوی بهشی كارگێڕی و ژمێریارییه، یهكیكه لهو نمونه دیارانهی كه نهیویستوه بڕوانامهكهی تهنها پهڕهیهك بێت لهسهر رهفهی ماڵهوه. ئهو كه له ساڵی 2015ـهوه رویكردوهته كاری چنین و ئهم پیشهیهی وهك سهرچاوهیهكی سهرهكی بۆ بژێوی ژیانی ههڵبژاردوه.
هاوشانی ئهو، كهنار حهمید كه دهرچوی بهشی زانستی كۆمپیوتهره، له ساڵی 2014ـهوه دهستی داوهته ئهم كاره. كهنار به راشكاوی دهڵێت: "نهبونی دهرفهتی دامهزراندن له بواری پسپۆڕییهكهم، منی بهرهو دنیای رهنگاوڕهنگی چنین برد".
له نێوان هۆڵی خوێندن و هونهری دهستیدا
چیرۆكی ئهم ململانێیه تهنها لای دهرچوان نهوهستاوه، بهڵكو خوێندكارانیش هاتونهته ناو مهیدانهكه.
مهیلی، كه خوێندكاری زانكۆیه، توانیویهتی هاوسهنگییهك له نێوان وانهكانی و كاری چنیندا دروست بكات. ئهو به سۆزهوه باس له كارهكهی دهكات و دهڵێت: "ئهم كاره هێنده خۆشه، لهناو ماڵهوه و بێ ئهوهی پێویستت به چونه دهرهوه بێت، دهتوانیت داهێنانی تێدا بكهیت و داهاتیشت ههبێت".
سۆشیاڵ میدیا و فێستیڤاڵ؛ پهنجهرهیهك بهڕوی بازاڕدا
بۆ ساغكردنهوهی بهرههمهكانیان، ئهم كچانه رێگای جیاوازیان گرتوهتهبهر. كهنار و مهیلی پشتیان به جیهانی دیجیتاڵی بهستوه؛ ئهوان له رێگهی ئهكاونته تایبهتهكانیان له تۆڕه كۆمهڵایهتییهكان، پردێكی پهیوهندییان لهگهڵ كڕیارانیان دروستكردوه.
بهڵام سۆلین ستایڵێكی تری ههیه، ئهو زیاتر له فێستیڤاڵهكاندا دهردهكهوێت و دهڵێت: "من زیاتر حهزم له روبهڕوبونهوهی كڕیارهكانه، چونكه خهڵك حهز دهكهن له نزیكهوه هونهری دهستی و كوالێتی كارهكان ببینن و بهپێی خواستی خۆیان داواكارییهكانمان پێ بدهن".
كۆسپهكانی رێگای داهێنان
هیچ كارێك بێ گرفت نییه، بهتایبهت له ناوهندی قهیرانه داراییهكاندا. سۆلین ئاماژه بهوه دهكات كه تهنگژهی دارایی هاوڵاتیان، سێبهری بهسهر بازاڕی ئهوانیشدا كێشاوه و تواناى كڕینی كهمكردونهتهوه.
مهیلیش باس له جۆرێكی تر له گرفت دهكات كه پهیوهندی به مامهڵهی كڕیارانهوه ههیه؛ ئهو دهڵێت: "ههندێكجار موشتهری داواكارییهكه رهت دهكاتهوه و وهریناگرێت، بهڵام ئهمه نهبوهته كۆسپ لهبهردهم ئیرادهی من و بهردهوامم له كارهكهم".
دهستڕهنگینی؛ سهرمایهیهك كه شكست ناهێنێت
چیرۆكی ئهم كچانهى كهلار، تهنها باسێكی سادەی چنین نییه، بهڵكو وێنهیهكی رونی ئیرادهی مرۆڤه له بهرامبهر تهنگژهكاندا.
ئهوان توانیویانه پردێك له نێوان رهسهنایهتی و مۆدێرنهدا دروستبكهن. ههرچهنده قهیرانی دارایی بهربهسته، بهڵام بهردهوامییان نیشانهی ئهوهیه كه دهستڕهنگینی سهرمایهیهكی وایه كه هیچ قهیرانیك ناتوانیت شكستی پێبێنێت.
- دوایین بابەتەکان
-
وتارمزگەوت؛ شوێنی ئاسودەیی و ئەمان، نەک مەیدانی خوێنڕشتن و تۆڵەسەندنەوە
-
-
یەکەی چاودێریراپۆرتێك لهبارهى: كێشهى لافاو له قهزاى كهلار
-
-
هەواڵنزمى ڤۆڵتیهى كارهبا كێشهى بۆ ناحیهى زینانە دروستكردوه
-
-
راپۆرتپزیشکی شەقامەکان؛ گهنجێك خۆبهخشانه چاڵ و چۆڵی شهقامهكانى كفری چارهسهر دهكات
-
-
هەواڵنەخۆشخانەی کەلار ٤٠٪ـی دەرمانی تێدا ماوە
-
زۆرترین بینراوەکان
