رادیۆی دەنگ

دوای ئەوەی موشەکێک لە ناوچەی داودەی گەرمیان کەوتەخوارەوە، بەرپرسێکی پێشمەرگە دەڵێت: هیچ زیانێکی نەبوە، لەبارەی مەترسی لەسەر ناوچەکەش دەڵێت: ئامادەین بۆ هەمو پێشهاتێک.

بەرپرسەکەی پێشمەرگە لە گەرمیان نەیویست ناوی بهێنرێت، بە رادیۆی دەنگی راگەیاند: ئەو موشەکەی ئەمڕۆ کە نزیک ناوچەی داودە کەوتە خوارەوە، هیچ مەترسیەکی نەبوە، چونکە تەنها بەشە بێ زیانەکەی بوە کە کەوتە خوارەوە.

وتیشی: هیچ مەترسییەک لەسەر ناوچەکە نییە، بەڵام ئێمە وەکو هێزەکانمان ئامادەین بۆ هەمو پێشهاتێک.

بەوتەی ئەو بەرپرسەی پێشمەرگە، "هێزەکانمان لە ئەرکدان، بەڵام تاوەکو ئێستا هیچ حاڵەتێکی نائاسایی نییە".