رادیۆی ده‌نگ

 

له‌ قه‌زای كفری دو برا له‌ نیوه‌ شه‌ودا به‌ چه‌قۆ هێرش ده‌كه‌نه‌ سه‌ر خێزانێك و كچێكیان ده‌كوژن و سێ كه‌سیشیان بریندار ده‌كه‌ن.

 

لە راگەیەنراوێکدا كه‌ وێنه‌ى ده‌ست رادیۆی ده‌نگ كه‌وتوه‌، وتەبێژی به‌ڕێوبه‌رایه‌تى پۆلیسی گەرمیان- عەقید عەلی جەمال، دەڵێت: شەوی رابردو لەگەڕەکی ئیمام محەمەد لەقەزای کفری، دو گەنج کەبرای یەکترن، چونەتە سەر ماڵێک کە پێشتر کێشە لەنێوانیان هەبوە و بەچەقۆ هێرشیان کردوەتە سەر ئەندامانی خێزانەکە.

 

دەشڵێت: لەئەنجامدا کچێکی ئەو ماڵە بەناوی (ئالا عەباس حەمید) لەدایکبوی 2004، گیانی لەدەستدا و دایک و باوک و برایەکیشی برینداربون و دوای چارەسەری پێویست لەنەخۆشخانەی شەهید هەژار لەکەلار دو لەبریندارەکان بەهۆی سەختی برینەکانیانەوە رەوانەی نەخۆشخانەی سلێمانی کراون.

 

باس لەوەشدەکات یەکێک لەتۆمەتبارانی روداوەکە دەستگیرکراوە و فەرمانی دەستگیرکردنیش بۆ تۆمەتباری دوەم دەرچوە.