رادیۆی دەنگ
بەڕێوبەری گشتی کارەبای گەرمیان ئاشکرای دەکات: ۳۰۰ دۆنم زەوی تەرخان کراوە بۆ هەر کۆمپانیایەک کەبیەوێت بەکاری بێنێت بۆ دروستکردنی وێستگەی کارەبا بە وزەی خۆر و بیفرۆشێتەوە بە حکومەت.
حازم کەریم، بەڕێوبەری گشتی کارەبای گەرمیان، بەرادیۆی دەنگی راگەیاند: زەوییەکمان تەرخان کردوە بە روبەری ۳۰۰ دۆنم لە نزیک ناحیەی سەرقەڵا بۆ دروستکردنی وێستگەیەکی بەرهەمهێنانی کارەبا بە گوڕی ۲٥ مێگاوات، ئەمەش بۆ هەر کۆمپانیایەکە کە بیەوێت کارەبا بەرهەم بێنێت و بیفرۆشێتەوە بە حکومەت.
وتیشی: نوسرامان کردوە بۆ وەزارەتی کارەبا و رێکارەکانیش لە وەزارەتی کشتوکاڵ تەواو بوە، لە ئێستادا چەند کۆمپانیایەک داواکارییان پێشکەش کردوە، هەرکات گرێبەستیان کرد لەگەڵ وەزارەتی کارەبا، ئێمەش لێرە دەستبەکارەکانمان دەکەین.
سیسته‌مى "سۆلار" یان ئه‌وه‌ى له‌ناوهاوڵاتیاندا به "طاقة شمسي" ناوده‌برێت، بریتیە لە بەرهەمهێنانی کارەبا لەرێگای وزەی خۆرەوە، لەچەند ساڵی رابردودا بەهۆی کێشە بەردەوامەکانی کارەباوە هاوڵاتیان رویان لە بەکارهێنانی کردوە، بەڵام بەکارهێنانەکان زۆرتر لە ئاستی کەسیی دان و نەبون بە پرۆژەی گەورە.
- دوایین بابەتەکان
-
هەواڵ13 كارگه‌ی چه‌و و لم له گه‌رمیان كراونه‌ته كه‌ساره
-
-
هەواڵله ناحیه‌ی رزگاریی ته‌نیا 3 گه‌ڕه‌ك قیرتاو كراون
-
-
هەواڵ"دواى ته‌واوبونى 80%" كاره‌كانی پاڵاوگه‌ی ئاوی باوه‌نور راگیراوه
-
-
هەواڵکارەبای گەرمیان: 170 کارمەندمان خانەنشین بون و کارمەندی دیکە ناخرێنە شوێنیان
-
-
هەواڵلەگەرمیان لەدوای 12 ساڵییەوە رێگە بە مناڵانی ئۆتیزم نادرێت لە سەنتەرەکاندا راهێنانیان پێبکرێت
-
زۆرترین بینراوەکان
