رادیۆی دەنگ
دواى ئه‌وه‌ى شاره‌وانیه‌كانى گه‌رمیان رایگه‌یاند كه نوسراویان ئاراسته‌ى وه‌زاره‌ت كردوه به‌مه‌به‌ستى پێدانى زه‌وى به فه‌رمانبه‌رانى گرێبه‌ست، به‌ڕێوبه‌رى ئه‌و به‌ڕێوبه‌رایه‌تیه ده‌ڵێت: وه‌زاره‌ت ره‌تىكردوه‌ته‌وه زەویان پێبدرێت، بەو‌هۆیەی فه‌رمانبه‌ری "میلاك" نین.
به‌رزان كه‌ریم، به‌ڕێوبه‌رى گشتى شاره‌وانیه‌كانى گه‌رمیان، بۆ رادیۆى ده‌نگ باسى له‌وه‌كرد: به‌شێوه‌ى راسته‌وخۆ و به نوسراوى فه‌رمیش زۆر قسه‌مان له‌گه‌ڵ وه‌زاره‌تمان كردوه بۆ ئه‌وه‌ى ئه‌و فه‌رمانبه‌رانه‌ى گرێبه‌ستن سودمه‌ندبن له وه‌رگرتنى زه‌وى، به‌ڵام به‌هۆى ئه‌وه‌ى گرێبه‌ستن و نه‌كراون به هه‌میشه‌یی، ئه‌وا ناتوانن سودمه‌ندبن.
وتیشى: له وه‌ڵامی وه‌زاره‌تماندا پێىان راگه‌یاندوین ئه‌نجومه‌نى وه‌زیران بڕیارى ده‌ركردوه ئه‌و فه‌رمانبه‌رانه بكرێن به هه‌میشه‌یى، له ئه‌گه‌رى جێبه‌جێكردنى فه‌رمانه‌كه و بون به هه‌میشه‌یی، ئه‌و فه‌رمانبه‌رانه ئه‌و كات ده‌توانن زه‌وییان بۆ ته‌رخان بكرێت.
ده‌شڵێت: سه‌ربارى ئه‌وه‌ش داوامان كردوه ئه‌و فه‌رمانبه‌رانه‌ى كه له 5 ساڵ زیاتر خزمه‌تیان هه‌یه ده‌كرێت سودمه‌ند بن، به‌ڵام وه‌زاره‌ت پێىراگه‌یاندین تاوه‌كو نه‌بن به هه‌میشه‌یی ئه‌وا ناتوانن سودمه‌ندبن.
- دوایین بابەتەکان
-
هەواڵ13 كارگه‌ی چه‌و و لم له گه‌رمیان كراونه‌ته كه‌ساره
-
-
هەواڵله ناحیه‌ی رزگاریی ته‌نیا 3 گه‌ڕه‌ك قیرتاو كراون
-
-
هەواڵ"دواى ته‌واوبونى 80%" كاره‌كانی پاڵاوگه‌ی ئاوی باوه‌نور راگیراوه
-
-
هەواڵکارەبای گەرمیان: 170 کارمەندمان خانەنشین بون و کارمەندی دیکە ناخرێنە شوێنیان
-
-
هەواڵلەگەرمیان لەدوای 12 ساڵییەوە رێگە بە مناڵانی ئۆتیزم نادرێت لە سەنتەرەکاندا راهێنانیان پێبکرێت
-
زۆرترین بینراوەکان
