رادیۆی دەنگ

 

نزیکەی ۳ مانگە موچە لە هەرێمی کوردستان دابەش نەکراوە، سەرۆکی لقی گەرمیانی کۆمەڵەی کرێنشینانی کوردستان دەڵێت: داوا لە خاوەن موڵکەکان دەکەین لەکرێی ئەم مانگەی کرێچییەکانیان خۆشبن.

 

سەیوان کەریم، سەرۆکی لقی گەرمیانی کۆمەڵەی کرێنشینانی کوردستان، بۆ رادیۆی دەنگ وتی: لەسەر نوسراوی سەرۆکی کۆمەڵەی کرێنشینانی کوردستان پێشنیار دەکەین بۆ خاوەن موڵکەکان لە گەرمیان بەهۆی مانگی رەمەزانەوە لەکرێی ئەم مانگەی کرێنشینەکانیان خۆشبن.

 

وتیشی: دۆخی خەڵک خراپە، موچە نییە، کرێنشینان ناتوانن کرێ خانوەکانیان بدەن، بۆیە ئەم داواکارییە دەکەین.

 

دەشڵێت: لەم چەند رۆژە لەگەڵ یەکێتی زانایان و مامۆستایانی ئاینی کۆدەبینەوە بۆ ئەوەی هەڵمەتێک رابگەیەنین و داوا لە خاوەن موڵکەکان بکەین لە کرێکانیان خۆشبن.

 

ماوەی زیاتر لە سێ مانگە موچەخۆرانی هەرێم تەنها ١ موچەیان وەرگرتوە، کە ئەمەش دۆخی گوزەرانیانی خراپ کردوە.