رادیۆی دەنگ

 

هاوشێوه‌ى به‌ڕێوبه‌رایه‌تى هاوچۆى گه‌رمیان، هاوڵاتیه‌ك له‌ به‌ڕێوبه‌رایه‌تى پۆلیسى گه‌رمیان به‌هه‌میشه‌یی دامه‌زرێنراوە‌، به‌ڕێوبه‌رى پۆلیسى گه‌رمیانیش ده‌ڵێت: فه‌رمانى سه‌ره‌وه‌ى خۆمان جێبه‌جێكردوه‌.

 

لوقمان سابر، به‌ڕێوبه‌رى به‌ڕێوبه‌رایه‌تى پۆلیسى گه‌رمیان، بۆ رادیۆى ده‌نگ ده‌ڵێت: ئه‌و كه‌سه‌ به‌ فه‌رمانى وه‌زاره‌تى ناوخۆ دامه‌زراوه‌ و بۆ ماوه‌ى زیاتر له‌ مانگێكه‌ ده‌وام ده‌كات.

 

ده‌شڵێت: له‌لاى ئێمه‌وه‌ هیچ زانیارییه‌ك وه‌رنه‌گیراوه‌ و داواکاری بۆ دامەزراندنی به‌رز نه‌كراوه‌ته‌وه‌ بۆ سه‌روى خۆمان، به‌ڵكو راستەوخۆ له‌ وه‌زاره‌ته‌وه‌ دامه‌زراوه‌ و فه‌رمانه‌كه‌ى هاتوه‌ته‌وه‌ بۆ ئێمه‌.

 

جه‌ختى له‌وه‌شكرده‌وه‌: دامه‌زراوه‌كه‌ دانیشتوى قه‌زاى كه‌لاره‌ و بڕوانامەی هەیە‌ و به‌هه‌میشه‌یی دامه‌زراوه‌، فه‌رمانه‌كه‌شى ساڵى رابردو هاتوه‌ و ئێمه‌ش جێبه‌جێمان كردوه‌.