ده‌نگ نێت 

 

له‌ پرۆسه‌ى وه‌رگرتنى دانه‌وێڵه‌ له‌ سایلۆى گه‌رمیان، ئه‌م وه‌رزه‌ زیاتر له‌ 16 هه‌زار ته‌ن گه‌نم وه‌رگیراوه‌، به‌ڕێوبه‌رى سایلۆكه‌ش ده‌ڵێت: له‌ ئێستادا هیچ بڕه‌ گه‌نمێك له‌ عه‌مباره‌كانماندا نه‌ماوه‌. 

 

كاروان ره‌ئوف، به‌ڕێوبه‌رى سایلۆى گه‌رمیان، بۆ رادیۆى ده‌نگ وتى: "له‌ ماوه‌ى 44 رۆژى پرۆسه‌ى وه‌رگرتنى دانه‌وێڵه‌ى ئه‌م وه‌رزه‌، 16 هه‌زار و 118 ته‌ن گه‌نم وه‌رگیراوه‌ له‌ سایلۆدا، هاوكات بڕى 2 هه‌زار و 500 كیلۆش له‌ نمونه‌ى تاقیگه‌یی دا هه‌بون.

 

هێماى بۆ ئه‌وه‌شكرد: له‌گه‌ڵ وه‌رگرتنى گه‌نمدا راسته‌وخۆ ده‌ماننارده‌ ئاشه‌كان، به‌جۆرێك تاوه‌كو دوێنێ (3ـى ئاب)، هیچ بڕه‌ گه‌نمێك له‌ عه‌مباره‌كانماندا نه‌ماوه‌ و هه‌مویمان ناردوه‌ بۆ ئاشه‌كان به‌مه‌به‌ستى هاڕینى.