ده‌نگ نێت

 

بازرگانانى گه‌رمیان ره‌خنه‌ له‌ لایه‌نه‌ حكومیه‌كانى گه‌رمیان ده‌گرن و ده‌ڵێن: زۆر توندن و ئاسانكارى بۆ بازرگانان ناكرێت له‌ چاو ناوچه‌كانى دیكه‌دا.

 

ئه‌حمه‌د عه‌لى، نوێنه‌رى بازرگانانى گه‌رمیان، بۆ رادیۆى ده‌نگ وتى: "لایه‌نه‌ په‌یوه‌ندیداره‌كانى گه‌رمیان زۆر توندن له‌ جێبه‌جێكردنى بڕیارى وه‌زاره‌ته‌كان له‌ سنوره‌كه‌ و ئاسانكارى بۆ بازرگانان ناكرێت له‌ چاو ناوچه‌كانى دیكه‌دا".

 

له‌وباره‌وه‌ بوارى به‌روبومى كشتوكاڵى و سامانى ئاژه‌ڵى به‌ نمونه‌ هێنایه‌وه‌ و وتى: "14 بۆ 15 كۆمپانیا هه‌یه‌ له‌و بواره‌، به‌ ته‌حه‌داوه‌ له‌ گه‌رمیان بازرگانێكم بۆ بێنه‌ توانیبێتى مۆڵه‌تى 5 هه‌زار ته‌ن جۆى وه‌رگرتبێت و هێنابێتیه‌ ناوچه‌كه‌ له‌ ماوه‌كانى رابردودا".

 

له‌به‌رامبه‌ر ئه‌و قسه‌یه‌شى كه‌ ئێستا حكومه‌ت ئاسنانكاریی بۆ به‌رهه‌مى كشتوكاڵی ده‌كات به‌تایبه‌تى دانه‌وێڵه‌، وتى: "سه‌یرى ئێستا مه‌كه‌ن به‌هۆى وشكه‌ساڵیه‌وه‌ وه‌زاره‌ت ئاسانكارى ده‌كات".