دەنگ نێت

 

ئەمڕۆ بڕیار بو موچەی وەزارەتی تەندروستی و یەکەکانی ٧٠ و ٨٠ـی پێشمەرگە دابەشبکرێت، بەڵام موچەی ئەو دوهێزەی پێشمەرگە دابەشنەکرا و دواخراوە بۆ هەفتەی داهاتو.

 

بەڕێوبەری بانکی شێروانە لە کەلار، رێبوار رەحیم، بە رادیۆی دەنگی وت: ئەمڕۆ نەمانتوانی موچەی یەکەی ٧٠ و ٨٠ـی پێشمەرگە دابەشکەین، گرفتەکەش بەهۆی نەناردنی لیستەوەیە، بڕیارە رۆژی شەممە ئامادە بکرێت و موچەکانیان دابەشدەکەین.

 

لایخۆشیەوە بەڕێوبەری بانکی گەرمیان، ئاریا ئەنوەر، بۆ رادیۆی دەنگ وتی: کێشەی نەبونی پارەمان نیە و  پارەی پێویست لەبەردەستە، بەڵام بەهۆی ئەوەی لیست نەگەشتوە،  پێدانی موچە دواکەوت، هاوکات ئەمڕۆ موچەی فەرمانبەرانی تەندروستی گەرمیان دابەشکرا.