ده‌نگ نێت

 

هه‌نگه‌وانێك له‌ گه‌رمیان جه‌خت له‌وه‌ ده‌كاته‌وه‌، ئه‌و هه‌نگوینه‌ى كه‌ به‌رهه‌م دێت له‌ لایان زۆرترین نرخی بۆ یه‌ك كیلۆ 45 هه‌زار دیناره‌، به‌ڵام له‌ بازاڕدا ده‌فرۆشرێته‌وه‌ به‌ نزیكه‌ى 100 هه‌زار دینار.

 

محه‌مه‌د حه‌سه‌ن، هه‌نگه‌وان له‌ گه‌رمیان، له‌مباره‌یه‌وه‌ به‌ رادیۆى ده‌نگى راگه‌یاند: "ئێمه‌ وه‌ك هه‌نگه‌وانه‌كان ئه‌گه‌ر یه‌ك ته‌ن هه‌نگوینیشمان هه‌بێت به‌ كۆ "جومله" كیلۆی به‌‌ 30 هه‌زار دینار بۆ به‌ تاكیش كیلۆی 40 بۆ 45 هه‌زار دینار ده‌فرۆشین، له‌ كاتێكدا ئێمه‌ باشترین هه‌نگوینیشمان هه‌یه‌.

 

به‌ڵام ئه‌م نرخه‌ له‌ بازاڕدا وه‌ها نیه‌ و زۆر گرانه‌. له‌باره‌ى هۆكارى ئه‌م جیاوازیه‌وه‌، محه‌مه‌د حه‌سه‌ن وتى: "كه‌ رۆشته‌ دوكانه‌كان به‌ نرخێكى زۆر گران ده‌یفرۆشنه‌وه‌ و زۆر گه‌وره‌ى ده‌كه‌ن، به‌ جۆرێك بۆ یه‌ك كیلۆ 90 بۆ 100 هه‌زار دینار وه‌رده‌گرن".