ده‌نگ نێت

 

بۆماوه‌‌ى نزیكه‌ى 12 ساڵه‌، زانكۆى گه‌رمیان له‌لایه‌ن وه‌زاره‌تى خوێندنى باڵاى عێراقه‌وه‌ دانى پێدا نه‌نراوه‌، سه‌رۆكى زانكۆى گه‌رمیانیش ده‌ڵێت: هۆكاره‌كه‌ى بونى ئه‌و 3 كۆلێژه‌یه‌ كه‌ له‌ خانه‌قینه‌.

 

د. فه‌رهاد قادر، سه‌رۆكى زانكۆى گه‌رمیان، به‌ رادیۆى ده‌نگى راگه‌یاند: "وه‌زاره‌تى خوێندنى باڵاى عێراق ده‌ڵێت هه‌مو مه‌رجه‌كانى دنپێدانان له‌ زانكۆى گه‌رمیاندا بونى هه‌یه‌، به‌ڵام كێشه‌كه‌ بونى ئه‌و 3 كۆلێژه‌یه‌ كه‌ له‌ خانه‌قینه‌ و كه‌وتوه‌ته‌ ناوچه‌ى دابڕێنراوه‌وه‌، ئه‌بێت ئه‌نجومه‌نى وه‌زیران بڕیارى له‌سه‌ر بدات.

 

جه‌ختى له‌وه‌شكرده‌وه‌: ئه‌وه‌ى چاره‌سه‌ره‌ به‌لاى ئێمه‌وه‌ به‌گه‌رخستنى هه‌وڵه‌ سیاسى و ئیدارییه‌كانه‌ بۆ ئه‌م مه‌به‌سته‌، چونكه‌ ره‌هه‌ندێكى سیاسى دراوه‌ته‌ پاڵ.

 

زانكۆی گه‌رمیان له‌ ساڵی 2010ـه‌وه‌ له‌ قه‌زاى كه‌لارى ناوه‌ندى ئیداره‌ى گه‌رمیان دروستكرا، هاوكات چه‌ند كۆلێژێكى زانكۆكه‌ش له‌ قه‌زاكانى كفری و خانه‌قین كرانه‌وه‌.