ده‌نگ نێت

 

وابڕیاربو نوسینگه‌ى گواستنه‌وه‌ى ته‌له‌فۆنى ته‌كسى دابنرێت له‌ كه‌لار، به‌ڵام تاوه‌كو ئێستا دانه‌نراوه‌، به‌ڕێوبه‌رى گواستنه‌وه‌ى گه‌رمیانیش ده‌ڵێت: تاوه‌كو ئێستا هیچ هاوڵاتیه‌ك داواكارى پێشكه‌ش نه‌كردوه‌.

 

ئیدریس مسته‌فا، به‌ڕێوبه‌رى به‌ڕێوبه‌رایه‌تى گواستنه‌وه‌ى گه‌رمیان له‌مباره‌یه‌وه‌ به‌ رادیۆى ده‌نگى راگه‌یاند: "ئێمه‌ بڵاومان كردوه‌ كه‌ نوسینگه‌ى گواستنه‌وه‌ى ته‌له‌فۆنى ته‌كسى ده‌كرێته‌وه‌، به‌ڵام تاوه‌كو ئێستا هیچ كه‌سێك داواكارى پێشكه‌ش نه‌كردوه‌".

 

وتیشى: داوا له‌ هاوڵاتیان ده‌كه‌ین هه‌ر كه‌سێك مه‌رجه‌كانى تێدایه‌ ده‌توانێت داواكارى پێشكه‌ش بكات بۆ ئه‌و مه‌به‌سته‌. 

 

به‌پێی راپۆرتێكى یه‌كه‌ى چاودێری حكومه‌تى خۆجێی گه‌رمیان، كه‌رتى گواستنه‌وه‌ى گه‌رمیان زۆر كه‌موكورتی تێدایه‌ و یه‌كێك له‌و چاره‌سه‌رانه‌ش كه‌ پێشنیاز كرابو، كردنه‌وه‌ى نوسینگه‌ى ته‌كسی ته‌له‌فۆن بو، بۆ ئه‌وه‌ى هاوڵاتیان له‌كاتى ویستنى ته‌كسی دا به‌ ته‌له‌فۆن په‌یوه‌ندی بكه‌ن و بۆیان دابین بكرێت.