ده‌نگ نێت

 

72 یه‌كه‌ى نیشته‌جێبونى كه‌مده‌رامه‌تان له‌ كفرى ده‌ست به‌كاركردن ده‌كرێته‌وه‌ تێیدا و به‌ڕێوبه‌رى ئاوه‌دانكردنه‌وه‌ى گه‌رمیانیش ده‌ڵێت: ئه‌و یه‌كانه‌ پاره‌ى بۆ ته‌رخان كراوه‌ و له‌ قۆناغى ته‌نده‌ریندایه‌.

 

پشتیوان عه‌بدوڵڵا، به‌ڕێوبه‌رى به‌ڕێوبه‌رایه‌تى ئاوه‌دانكردنه‌وه‌ى گه‌رمیان، به‌ رادیۆى ده‌نگى راگه‌یاند: "36 له‌و یه‌كانه‌ ته‌واو بوه‌ ته‌نها خزمه‌تگوزارییه‌كانى ماوه‌، ئه‌ویش پاره‌ى بۆ ته‌رخان كراوه‌ و له‌ قۆناغى ته‌نده‌ریندایه‌، چاوه‌ڕێین بزانین بۆ چ كۆمپانیایه‌ك ده‌رده‌چێت بۆ ئه‌وه‌ى ته‌واوى بكات".

 

هێماى بۆ ئه‌وه‌ش كرد: ئه‌و 36 یه‌كه‌كه‌ى دیكه‌ برى 600 ملۆن دینارى بۆ ته‌رخان كراوه‌ له‌ به‌شه‌ بودجه‌ى ئیداره‌ى گه‌رمیان، له‌ ئێستادا له‌ قۆتاغى ئاماده‌كردنى ده‌رخسته‌ و ته‌نده‌رینین بۆ ئه‌وه‌ى بودجه‌كه‌ى بۆ خه‌رج بكرێت و ده‌ست به‌كاركردن بكرێت تێیدا.

 

وتیشى: ته‌نها ئێمه‌ نین، به‌ڵكو له‌ ئاستى هه‌رێمه‌ كوردستان‌ زیاتر له‌ 15 ملیار ته‌رخان كراوه‌، له‌و بڕه‌ش 600 میلۆنى به‌ر گه‌رمیان ده‌كه‌وێت و چاوه‌روانى خه‌رج كردنى ئه‌و بره‌ پاره‌یه‌ن له‌لایه‌ن وه‌زاره‌تى داراییه‌وه‌.