ده‌نگ نێت 

 

ئەندامێکی سەرکردایەتی یەکێتی پێشبینی ده‌كات کۆبونەوەکانیان لەگەڵ پارتی دەست پێبکاتەوە، دەشڵێت: رێکەوتنمان لەگەڵ پارتی بەو مانایە نیە پارتی هەرچی بڵێت ئەوە جێبەجێ بکەین.

 

لەتیف نێروەیی، ئەندامی سەرکردایەتی یەکێتی، لە بەرنامەی (گفتوگۆی دەنگ)ى رادیۆی ده‌نگ دا و سەبارەت بەدەستپێکردنەوەی کۆبونەوەی ئەو دولایەنە، وتی: بەهۆی دیداری یەکێتی کۆبونەوەکانیان لەگەڵ پارتی دوا کەوتوە، بۆ رۆژانی ئایندە کۆبونەوەکان لە سەر ئاستی مەکتەبی سیاسی هەردولا دەست پێدەکەنەوە.

 

لەبارەی ناوەڕۆکی کۆبونەوەکەوه‌ وتى: دەبێت لەگەڵ سەرجەم لایەنەکان پرۆژەی هاوبەشمان هەبێت و رێکبکەون بۆ ئەوەی  لە بەغدا یەکدەنگ بین.

 

جه‌ختیشیكرده‌وه‌: کۆبونەوە و دانوستانمان لەگەڵ پارتی بەو واتایە نایەت کە هەرچیان وت ئێمە قبوڵی بکەین، بەڵکو دەبێت هەردولا لەسەری رێکبکەوین.

 

له‌باره‌ى ئەو پرسانەشی كه‌ ئه‌و دو لایه‌نه‌ گفتوگۆی لەسەر دەکەن، له‌تیف نێروه‌یی وتى: پرسی سەرۆک کۆمار و بابەتی کێشەکانی ئەم ناوچەیە و پرسی بڕیاری سیاسی و هه‌ڵبژاردنه‌ لە هەرێم.