دەنگ نێت

 

بریارە سبەینێ سایلۆی گەرمیان بەڕوی جوتیاراندا بکرێتەوە و گەنم وەربگرێت، بۆ هەمان مەبەستیش بەرێوبەری گشتی بازرگانی ھەرێم سەردانی گەرمیان سەردانی گەرمیان دەکات.

 

کاروان رەئوف، بەرێوبەری سایلۆی گەرمیان، لەمبارەیەوە بە رادیۆی دەنگی راگەیاند: «سبەینێ بەرێوبەری گشتی بازرگانی ھەرێم سەردانی گەرمیان دەکات، ھۆکاری سەردانەکەشی ئەوەیە کە سایلۆێ گەرمیان بە روی جوتیاراندا دەکرێتەوە بە مەبەستی رادەستکردنی گەنمەکانیان».

ھێمای بۆ ئەوەشکرد: لە سبەینێوە دەست بە وەرگرتنی گەنمی جوتیاران دەکەین بەپێی ئەو ماوەی کە بۆمان دیاری کراوە لە ٣٥ بۆ ٤٥ رۆژ بەردەوام دەبێت.

 

جەختی لەوەشکردەوە: شوێنمان ھەیە و لە تواناماندایە ٦٠ ھەزار تەن گەنم وەربگرین، ھاوکات لەسەر ئەوەش وەستاوە تا چەند جوتیار گەنمەکانیان رادەستی ئێمە دەکەن.