ده‌نگ نێت

 

به‌ڕێوبه‌رى باجى ده‌رامه‌تى گه‌رمیان ده‌ڵێت: حكومه‌تى هه‌رێم وه‌ك هاندانێك بۆ ئه‌وه‌ى هاوڵاتیان باج بده‌ن بڕیارى لێخۆشبونى بۆقه‌رز و سوه‌كانى له‌سه‌ر هاوڵاتیان ده‌ركردوه‌، ئه‌و ئۆفه‌ره‌ش هه‌تا 10 رۆژى تر له‌ كاردا ده‌بێت.

 

بابه‌عه‌لى محه‌مه‌د عه‌زیز، به‌ڕێوبه‌رى باجى ده‌رامه‌تى گه‌رمیان، بۆ رادیۆى ده‌نگ وتى: له‌ 19ـى1ـى 2022ـه‌وه‌ بڕیارێك ده‌رچوه‌ و تاوه‌كو رێكه‌وتى 6ـى 6ـى 2022 كارى پێده‌كرێت، تیایدا داوا له‌ هاوڵاتیان ئه‌كات له‌ ماوه‌ى 90 رۆژدا سه‌ردانى به‌ڕێوبه‌رایه‌تى باج بكه‌ن كه‌ پشوه‌كانیشى لێده‌ركردوه‌، بۆ ئه‌وه‌ى سودمه‌ند بن له‌ لێخۆشبون له‌ هه‌مو سوه ‌بانكیكه‌كان.

 

وتیشى: له‌ هه‌مان كاتدا فه‌رمانێكى ده‌ركراوه‌ بۆهاوڵاتیان كه‌ سه‌ردانى به‌ڕێوبه‌رایه‌تیمان بكه‌ن كه‌ له‌ 6 ساڵ زیاتر سزای پێنه‌دانى باجیان له‌سه‌ر بێت، ته‌نها 3 ساڵیان به‌ فیعلى بۆ هه‌ژمار ده‌كرێت.