ده‌نگ نێت

 

جوتیارێك له‌ گه‌رمیان ده‌ڵێت: ماوه‌ى 2 ساڵه حكومه‌ت و وه‌زاره‌تى كشتوكاڵ هیچ هه‌نگاوێكى نه‌ناوه‌ بۆ قه‌ره‌بو كردنه‌وه‌ى جوتیار كه‌ زه‌ره‌مه‌ندى وشكه‌ساڵین، به‌ڕێوبه‌رى گشتى كشتوكاڵی گه‌رمیانیش ده‌ڵێت: داواى 10 مایار دینارمان كردوه‌.

 

شه‌عبان ئه‌حمه‌د، جوتیار له‌ گه‌رمیان له‌ میانه‌ى به‌رنامه‌ى رۆژێكى ترى رادیۆى ده‌نگدا باسى له‌وه‌كرد: "بودجه‌ هه‌یه‌ ته‌نها ئه‌وه‌یه‌ خه‌مى خه‌ڵك ناخۆن ئه‌وه‌ 2 ساڵه‌ وشكه‌ساڵیه‌ و جوتیاران زه‌ره‌مه‌ند بون، ئه‌گه‌ر خه‌مى خه‌ڵكیان بخواردایه‌ ئه‌وه‌ گوزه‌رانى لادێكان ببینن ئه‌زانن له‌ چ بارودۆخێكدان".

 

هێماى بۆ ئه‌وه‌شكرد: ئه‌وه‌ى جێگه‌ى پرسیاره‌ له‌لاى جوتیاران نه‌ حكومه‌ت و نه‌ وه‌زاره‌تى كشتوكاڵ و نه‌ به‌ڕێوبه‌رایه‌تى گشتى كشتوكاڵ هیچ هه‌نگاوێكیان نه‌ناوه‌ بۆ قه‌ره‌بو كردنه‌وه‌ى جوتیاران له‌ سنوره‌كه‌دا.

 

لایخۆشیه‌وه‌ به‌ڕێوبه‌رى گشتى كشتوكاڵى گه‌رمیان ده‌ڵێت: راپۆرتیان ئاراسته‌ى وه‌زاره‌ت كردوه‌ و داواى بودجه‌مان كردوه‌ بۆ كڕینى ئالیك و بنەتۆی گەنم بۆ دابه‌شكردنى به‌سه‌ر خاوه‌ن ئاژه‌ڵه‌كان و جوتیارەکان.

 

شادیه‌ حسێن، به‌ رادیۆى ده‌نگى راگه‌یاند: له‌ 10ـى نیسانه‌وه‌ و پێش ئه‌وه‌ى وشكه‌ساڵى له‌ گه‌رمیان رابگه‌یه‌ندرێت راپۆرتى خۆمان داوه‌ته‌ وه‌زاره‌تى كشتوكاڵ و ئیداره‌ى گه‌رمیان كه‌ بودجه‌یه‌كى 10 ملیار دینارى بۆ دابین كردنى ئالیك و بنەتۆی گەنم بۆ خاوه‌ن ئاژه‌ڵه‌كان و جوتیارەکان سه‌رف بكرێت.

 

ئاماژه‌ى به‌وه‌شكرد: تا ئه‌م ساته‌  وه‌ڵامى داواكانى پار و ئه‌مساڵیشیان نه‌دراوه‌ته‌وه‌.