ده‌نگ نێت

 

لە گەرمیان گومان لە هەبونی شوێنەوارێک دەکرێت و چەند هاوڵاتیەک ویستویانە دەستی بەسەردا بگرن، بەرێوبەری شوێنەواری گەرمیانیش دەڵێت: پاسەوان بۆ شوێنەوارەکە دابین کراوە.

 

ساڵح محه‌مه‌د سەمین، بەڕێوبەری شوێنەواری گەرمیان، بە رادیۆی دەنگی وت: لەماوەی پێشو دا ژماره‌یه‌ك هاوڵاتی چه‌ند بەردێکیان هەڵکۆڵیوە بە گومانی ئەوەی پارچه‌ى شوێنەواریین، دەستبەجێ ئاسایش گەیشتوه‌تە شوێنەکە کە گردی خڕکەنیە لە گوندی  بێلولە و ماوەی 20 رۆژە پاسەوانی دەکرێت.

 

دەشڵێت: تیمێکی شوێنەواری گەرمیان و سلێمانی سەردانی شوێنه‌كه‌یان کردوە، جێگاکە خۆی شوێنەوارە، بەڵام پشتڕاست نەبوه‌تەوە کە ئەو بەردەی ویستراوه‌ بدزرێت پارچه‌ى شوێنه‌وارییه‌ یان نا.

 

به‌ڕێوبه‌رى شوێنه‌وارى گه‌رمیان، باسی له‌وه‌شكرد: داوایان لە بەڕێوبەرایەتی گشتی شوێنەوارى هه‌رێم كردوه‌، بۆ ئه‌وه‌ى رەزامەندیان پێبدات به‌مه‌به‌ستى لێكۆڵینه‌وه‌ كردن تیایدا.