دەنگ نێت

 

شانۆگەرییەک لە گەرمیانەوە بەشداریی کردوە لە دەیەمین ڤیستیڤاڵی شانۆی شەقام لە تونس، بە وتەی دەرهێنەرەکەیشی پێشوازی باش لە کارەکەیان کراوە.

 

رزگار فەقێ، ئەکتەر و دەرهێنەری شانۆگەری ، بە رادیۆی دەنگی وت: بە شانۆگەری ‘من بە ئاگام’ لە بیرۆکەی هونەر تاهیر و نواندن و دەرهێنانی من، بە نوێنەرایەتی گەرمیان و کوردستان، بەشدارییمان لە دەیەمین ڤیستیڤاڵی شانۆی شەقام کردوە لە ویلایەتی قەسرینی وڵاتی تونس کە ڤیستیڤاڵێکی ناسراوی شانۆییە و زیاتر لە ٢٠ بەرهەم لە وڵاتانی جیاوازی عەرەبی و ئەوروپییەوە بەشدارییان کردوە.

 

لەبارەی کارەکەشیانەوە، باسی لەوەکرد: شانۆگەرییەکەمان لەبارەی کێشەی مادەی هۆشبەرەوەیە کە ئێستا بوە بە کێشەیەکی جیهانی.

 

وتیشی: ئەمڕۆ شانۆکەمان پێشکەشکرد و پێشوازییەکی زۆر باشی لێکرا لەلایەن بینەرانەوە.