ده‌نگ نێت

 

بەنداوی باوەشاسوار لە قەزای کفری توانای گلدانەوەی 6 ملیۆن مەتر سێجا ئاوی هەیە، بەڵام ئێستادا بەهۆی کەمی رێژەی بارانبارینەوە ئاستی ئاوەکەی تەنها 3 ملیۆن مەتر سێجایە.

 

عەزیز کەریم، بەڕێوبەری بەنداوی باوەشاسوار لە قەزای کفری، بە رادیۆی دەنگی راگەیاند: بەپێی خوێندنەوەی پێوەرەکانی ئاستی ئاوەکەی لە روی دەریاوە، ئێستا 283 مەترە و ئەو بڕە ئاوەشی کە لە ئێستادا دەیگرێتە خۆی 3 ملیۆن مەتر سێجایە، لە کاتێکدا لە ساڵانی بارانە ساڵدا لەم کاتەدا دەگەشتە 5 ملیۆن مەتر سێجا، بەمەش 2 ملیۆن مەتر سێجا ئاوەکەی کەمی کردوە و ئاسته‌كه‌شى نزیکەی 2 مەتر دابەزیوە.

 

هێمای بۆ ئەوەشکرد: ئەم بەنداوە توانای گلدانەوەی 6 ملیۆن مەتر سێجا ئاوی هەیە، سەرچاوەکانی ئاوی ئەم بەنداوەش باراناو و سەرچاوەکانی ئاوی هۆمەرمل و بەکرەشەلە.