ده‌نگ نێت

 

ئەندامێکی پەرلەمانی کوردستان دەڵێت: ویستی خودی حکومەتە کە مانگەکانی داهاتوش موچە بەو میکانیزم و سستیە دابەشبكات كه‌ ئێستا هه‌یه‌.

 

بۆ هەریەک لە مانگه‌كانی شوبات و ئادار، دابەشکردنی موچە لەوادەی خۆیدا دواکەت و كه‌وته‌ مانگه‌كه‌ى دواتر، هه‌روه‌ك نۆره‌ى دابه‌شكردنى موچه‌كه‌ش به‌سه‌ر وه‌زاره‌ته‌كان دا كراوه‌ته‌ 20 رۆژ.

 

سه‌باره‌ت به‌م پرسه‌، بەڵێن ئیسماعیل، ئەندامی لیژنةی دارایی و ئابوری لە پەرلەمانی کوردستان، باس له‌وه‌ده‌كات حكومه‌ت ده‌یه‌وێت ئه‌م میكانیزمه‌ بۆ مانگه‌كانى تریش به‌كاربێنێت.

 

ئه‌و له‌ میانەی بەرنامه‌ی گفتوگۆی دەنگى رادیۆی ده‌نگ دا وتی: ویستێکی گەورە لە حکومەت بەدی دەکەین کە بەو جۆرە بەردەوام بن لەمانگەکانی داهاتوشدا.

 

وتیشی: ناتوانین بڵێین ئەوەی کە لەم دو مانگەدا پەیڕەو کراوە بۆ دابەشکردنی موچە کۆتا مانگە و مانگەکانی دیکە لەکاتی خۆیدا و بەچەند رۆژێک موچە دابەش دەکرێت.