ده‌نگ نێت

 

به‌ڕێوبه‌رى وه‌به‌رهێنانى گه‌رمیان ده‌ڵێت: له‌ ناحیه‌ى رزگارى پرۆژه‌ى یه‌كه‌ى نیشته‌جێبون بۆ هێزه‌كانى ناوخۆ دروست ده‌كرێت كه‌ له‌ 1500 یه‌كه‌ پێكدێت.

 

هونه‌ر مه‌حمود، به‌ڕێوبه‌رى وه‌به‌رهێنانى گه‌رمیان بۆ رادیۆى ده‌نگ وتى: " پرۆژه‌ى یه‌كى نیشته‌جێبون بۆ هیزه‌كانى ناوخۆ دروست ده‌كرێت كه‌ ده‌كه‌وێته‌ ناحیه‌ى رزگاریه‌وه‌ و خۆى له‌ 1500 یه‌كه‌دا ده‌بینێته‌وه‌ و زه‌ویشى بۆ ته‌رخان كراوه‌، له‌ سه‌ره‌تاى وه‌رگرتنى مۆڵه‌تدایه‌".

 

وتیشى: پێویسته‌ راى هه‌مو لایه‌نه‌ په‌یوه‌ندیداره‌كان وه‌ربگیرێت كه‌ خۆى له‌ 9 لایه‌ن ده‌بینێته‌وه‌.

 

له‌باره‌ى نرخ و ورده‌كاریه‌كانى دابه‌شكردنى پرۆژه‌كه‌، به‌ڕێوبه‌رى وه‌به‌رهێنان رونكردنه‌وه‌ى زیاتری نه‌دا، به‌وپێیه‌ى پرۆژه‌كه‌ به‌ ته‌واوى مۆڵه‌تى پێنه‌دراوه‌ له‌لایه‌ن ده‌سته‌ى وه‌به‌رهێنانه‌وه‌.