ده‌نگ نێت

 

لە چوار رۆژی پشوى جەژنی نەورۆزدا، 13 روداوی هاتوچۆ له‌ گه‌رمیان تۆماركراوه‌ كه‌ به‌هۆیانه‌وه‌ 16کەس بریندار بون، هیچ كه‌سێكیش گیانى له‌ده‌ستنه‌داوه‌.

 

عەبدولڕەحمان زەهاوی، وتەبێژی هاتوچۆی گەرمیان، لە لێدوانێکدا بۆ رادیۆی دەنگ ئاماری روداوەکانی رۆژانى جەژنی نه‌ورۆزى خسته‌ڕو و وتی: لەیەکەم رۆژ دا 3 روداوی هاتوچۆ رویانداوە و 10 کەس بریندار بون.

 

وتیشی لە دوەم و سێیەم رۆژی نه‌ورۆز هیچ روداوێکی هاتوچۆ تۆمار نه‌كراوه‌، به‌ڵام لە چوارەم رۆژی پشوه‌كه‌دا 10 روداوی هاتوچۆ تۆماركراون و 6 بریندار هەبوە، به‌شێوه‌یه‌ك ته‌نها له‌ دو روداویاندا 12 ئۆتۆمبیل پێکیانداداوە. 

 

وتەبێژی هاتوچۆی گەرمیان، هۆکاری روداوەکانی گەڕاندەوە بۆ پابەندنەبونی شۆفێران بە رێنمایەکانی هاتوچۆوە.