ده‌نگ نێت

 

مانگرتنی کرێکارانی کۆمپانیای پاککەرەوەی خۆڵ و خاشاكی گه‌رمیان بەردەوامە، بەڕێوبەری گشتی شارەوانیەکانی گەرمیانیش دەڵێت: کۆمپانیا بەنوسراوی فەرمی کارکردنیان راگرتوە.

 

بەهۆی خەرجنەکردنی موچەی کرێکارانی پاکكەرەوە بۆ ماوەی دو مانگ، لە ھەفتەی رابردوەوە‌ ئه‌و كرێكارانه‌ مانیان له‌ كاركردن گرتوه‌.

 

به‌وته‌ى نێردراوانى رادیۆی ده‌نگ، خۆڵ و خاشاک لە زۆربەی گەڕەکەکان کۆ بوەتەوە، له‌ چه‌ند گه‌ڕه‌كێكى ناو شاره‌كان، ئۆتۆمبیله‌كانى كۆكردنه‌وه‌ى خۆڵ و خاشاك لە چەند رۆژی رابردودا به‌بێ كرێكار سه‌ردانى گه‌ڕه‌كه‌كانیان كردوه‌ بۆ كۆكردنه‌وه‌ى خۆڵ و خاشاكه‌کان.

 

 بەڕێوبەری گشتی شارەوانیەکانی گەرمیان، باسی لەوە کرد: هەوڵێک هەیە لەگەڵ بانکی گەرمیان ئه‌گەر پارە هەبێت چەکیان بۆ بکرێت.

 

بەرزان کەریم، بۆ رادیۆی ده‌نگ وتیشی: لەئێستادا کۆمپانیا بە نوسراوی فەرمی پێیان راگەیاندین کە کارکردنیان راگرتوە.

 

رادیۆی دەنگ، بۆ وه‌رگرتنى قسه‌ى ئه‌وان، چه‌ند جارێك پەیوەندی بە بەڕێوبەری کۆمپانیای گەردینه‌وه‌ كرد كه‌ كارى كۆكردنه‌وه‌ى خۆڵ و خاشاكی گه‌رمیان ئه‌نجام ده‌ده‌ن، بەڵام پەیوەندیەکانی بێوەڵام بو.