ده‌نگ نێت

 

یه‌كێتى بڕیاریداوه‌ گۆڕانكاری له‌ ژماره‌یه‌ك به‌رپرسی مه‌ڵبه‌ندی دا بكات، له‌نێویشی دا به‌رپرسی مه‌ڵبه‌ندی گه‌رمیان، وته‌بێژی مه‌ڵبه‌نده‌كه‌ش ده‌ڵێت: چه‌ندین ناو ده‌هێنرێت بۆ وه‌رگرتنى ئه‌و پۆسته‌.

 

به‌پێی زانیاریه‌كانى رادیۆی ده‌نگ، یه‌كێتى نیشتمانى بڕیاری داوه‌ به‌رپرسی ژماره‌یه‌ك مه‌ڵبه‌ندى بگۆڕێت، له‌نێویشیاندا مه‌ڵبه‌نده‌كانى گه‌رمیان و خانه‌قین، كه‌ بۆ مه‌ڵبه‌ندی گه‌رمیان میقداد شێخ به‌هادین و بۆ مه‌ڵبه‌ندی خانه‌قینیش نه‌وشیروان ئه‌حمه‌د-ى به‌ڕێوبه‌رى ئاسایشی گه‌رمیان پێشنیاز كراون.

 

لایخۆشیه‌وه‌ وته‌بێژی مه‌ڵبه‌ندی گه‌رمیانى یه‌كێتى، رایده‌گه‌یه‌نێت كه‌ به‌ فه‌رمی هیچ نوسراوێكیان پێنه‌گه‌یشتوه‌.

 

ئه‌كره‌م ساڵه‌ح، بۆ رادیۆی ده‌نگ وتى: رۆژانه‌ گوێبیستی چه‌ندین ناو ده‌بین، له‌نێویاندا میقداد شێخ به‌هادین.

 

وتیشی: به‌ڵام به‌ فه‌رمی هیچ نوسراوێكمان به‌ده‌ست نه‌گه‌یشتوه‌ و هیچ گۆڕانكارییه‌ك روی نه‌داوه‌.