ده‌نگ نێت

 

پاش زیاتر لە 10 ساڵ لەدانانی بەردی بناغەکەی، یاریگای نوێی یانەی شێروانە تەواو نەبوە، جێگری سەرۆکی یانەی شێروانەش دەڵێت: بەهۆی قەیرانی داراییەوە کارکردن تێیدا وەستاوە.

 

یاریگاى تۆپی پێی نوێی یانه‌ى وه‌رزشی شێروانه‌، پێش 10 ساڵ به‌ردى بناغه‌كه‌ى دانرا، به‌ڵام هه‌تا ئێستا به‌هۆی بونى كێشه‌ و كه‌موكورتی تێیدا، نه‌كراوه‌ته‌وه‌ و یانه‌كه‌ به‌ ناچارى یارییه‌كانى له‌ یارگا كۆنه‌كه‌ى "مه‌لعه‌به‌كه‌" ئه‌نجام ده‌دات.

 

له‌وباره‌وه‌، تەڵعەت سەعدوڵڵا، جێگری سەرۆکی یانەی شێروانە، بە رادیۆی دەنگی راگەیاند: بەهۆی قەیرانی داراییه‌وه‌ کارکردن لە یاریگاکە وەستاوە و بەهۆی خراپی چیمەنی یاریگاکەش یاری لەیاریگاکەدا ناکرێت.

 

پرۆژەی یاریگای نوێی یانه‌ى شێروانە، بەشی یەکەمی تەواو بوە و ئه‌گەر بەشی دوەمیشی تەواو بێت، جێگەی پازدە هەزار هاندەر دەکاتەوە.