ده‌نگ نێت

 

له‌ماوه‌ى مانگیكدا له‌ گه‌رمیان، نزیكه‌ی 1000 فۆرمى نوێی كه‌سانى خاوه‌ن پێداویستی تایبه‌ت پڕ كراوه‌ته‌وه‌، لێپرسراوى تۆڕى پاراستنى كۆمه‌ڵایه‌تى گه‌رمیانیش ده‌ڵێت: به‌رده‌وامین له‌ پرۆسه‌كه‌.

 

پاش كردنه‌وه‌ى ده‌رگاى تۆماركردنى فایلى نوێ بۆ كه‌سانى خاوه‌ن پێداویستی تایبه‌ت له‌ گه‌رمیان، لێپرسراوى تۆڕى پاراستنى كۆمه‌ڵایه‌تى گه‌رمیان له‌ به‌ڕێوبه‌رایه‌تى گشتى چاودێری و گه‌شه‌پێدانى كۆمه‌لایه‌تى گه‌رمیان، به‌ رادیۆى ده‌نگ وتى: له‌ماوه‌ى مانگیكدا نزیكه‌ى 1000 كه‌سمان بینیوه‌و وه‌رگرتنى مامه‌ڵه‌كانیان ده‌ستى پێكردوه‌.

 

داره‌وان قادر، لێپرسراوى تۆڕى پاراستنى كۆمه‌ڵایه‌تى گه‌رمیان، به‌ رادیۆى ده‌نگى راگه‌یاند: "نزیكه‌ى مانگێكه‌ له‌ رێگه‌ى لیژنه‌یه‌كى خۆمانه‌وه‌ ئه‌و كه‌مئه‌ندامانه‌ ئه‌بینین كه‌ هیچ مامه‌ڵه‌یه‌كیان نه‌كردوه‌، ئه‌وانیش چه‌ند به‌شێكن: شه‌له‌ل ده‌ماغ، تالاسیما، بیركۆڵ، ئۆتیزم و...هتد، له‌گه‌ڵ ئه‌و مناڵانه‌ى كه‌ توشى نه‌خۆشى شه‌كره‌ بون و ته‌مه‌نیان خوار 18 ساڵه‌".

 

وتیشى: تائێستا‌ هه‌زار كه‌سمان بینیوه‌ و رێژه‌كه‌ش به‌ره‌و زیاتر ده‌چێت.