ده‌نگ نێت

 

مه‌رزى تیله‌كۆ له‌ گه‌رمیان ده‌كرێته‌وه‌ و به‌ڕێوبه‌رى راگه‌یاندنى ئیداره‌ى گه‌رمیانیش ده‌ڵێت: رێكاره‌كانى كردنه‌وه‌ى ئه‌و مه‌رزه‌ ده‌ستى پێكردوه‌.

 

چۆمان ئه‌حمه‌د، به‌ڕێوبه‌رى راگه‌یاندن و په‌یوه‌ندیه‌كانى ئیداره‌ى گه‌رمیان له‌مباره‌یه‌وه‌ بۆ رادیۆى ده‌نگ وتى: "رێكاره‌كانى كردنه‌وه‌ى ئه‌و مه‌رزه‌ ده‌ستى پێكردوه،‌ داواش له‌ وه‌زاره‌تى دارایى كراوه‌ فه‌رمانگه‌ په‌یوه‌ندیداره‌كانى رابسپێرێت به‌مه‌ستى ته‌واوكردنى رێكاره‌ ئیدارییه‌كان".

 

وتیشى: له‌گه‌ڵ كۆمارى ئیسلامى ئێرانیش دانیشتن كراوه‌ به‌مه‌به‌ستى چۆنیه‌تى كردنه‌وه‌ى مه‌رزه‌كه‌ و شێوازى كاركردنى.

 

هه‌فته‌ى پێشوش له‌كاتى سه‌ردانى كونسوڵى ئێران له‌ سلێمانى بۆ گه‌رمیان و كۆبونه‌وه‌ى له‌گه‌ڵ سه‌رپه‌رشتیاری ئیداره‌ى گه‌رمیان، باس له‌ چالاككردنى جوڵه‌ى بازرگانى نێوان هه‌ردولا كراوه‌، له‌نێویشی دا باس له‌ كردنه‌وه‌ى مه‌رزی تیله‌كۆ به‌شێوه‌یه‌كى فه‌رمی كراوه‌.