ده‌نگ نێت

 

له‌ ڤیستیڤاڵێكى زانكۆی گه‌رمیان دا، چالاكی یاری ئه‌لیكترۆنى نمایش ده‌كرێت، مامۆستایه‌كیش به‌ توانجه‌وه‌ ده‌ڵێت: زانكۆكه‌ له‌ شوێنى زانسته‌وه‌ بوه‌ به‌ شوێنى گه‌یمه‌ر، سەرۆکی زانکۆكه‌ش جه‌خت ده‌كاته‌وه‌ كه‌ چالاکیەکە ئەلیکترۆنیە و ئامانجدارە.

 

بڕیارە ڕۆژی یەکشەمەى داهاتو، ڤیستیڤاڵێکی زانستی لە زانکۆی گەرمیان بەرێوەبچێت کە چەندین چالاكی جۆراوجۆری لە خۆگرتوە، یەکێک لەوانه‌ش: یاری ئه‌لیكترۆنیه‌.

 

بونى ئه‌م چالاكیه‌ مامۆستایه‌كى زانكۆكه‌ى هێناوه‌ته‌ ده‌نگ و ره‌خنه‌ى لێگرتوه‌.

 

ئاسۆ سوبحان، له‌ هه‌ژمارى خۆی له‌ فه‌یسبوك دەڵیت: "زانکۆی گەرمیان لە ماڵی  زانستەوە بۆ ماڵێ گەیمەر".

 

له‌به‌رامبه‌ریشدا سەرۆکی زانکۆی گەرمیان، داكۆكی له‌و چالاكیه‌ ده‌كات.

 

د. فه‌رهاد قادر، بۆ رادیۆی دەنگ وتى: چەندین چالاکی زانستی و ئەلیکترۆنی و ئەدەبی ئامادەسازیان بۆ کراوە لە ڤیستیڤاڵە کەدا.

 

باسی لەوەش کرد: ئەو چالاکیە ماوەکەی 2  کاژمێرە، بە ئامانجی سود وەرگرتنی فێرخوازانە کە چۆن لە و رێگەیەوە داهات دەستبخەن.