ده‌نگ نێت

 

هەرێمی کوردستان دابەشکراوە بۆ (57) بلۆکی گەڕان و پشکنین و به‌رهه‌مهێنانى نەوت و گاز، %26ـى كۆی پرۆسه‌كه‌ش ده‌كه‌وێته‌ سنورى گه‌رمیانه‌وه‌.

 

سایتى دره‌و میدیا، له‌ راپۆرتێكیدا بڵاوى كردوه‌ته‌وه‌: هەرێمی کوردستان دابەشکراوە بۆ (57) بلۆکی گەڕان و پشکنین بۆ وەبەرههێنانی نەوت و گاز، دابەشبونه‌كه‌ش  بەسەر پارێزگاکان به‌م شێوه‌یه‌یه‌: (هەولێر (21%)، سلێمانی (21%)، دهۆک بە سنوری پارێزگای موسڵیشەوە (32%) و سنوری ناوچەی گەرمیان بە بلۆکەکانی سنوری ناوچە جێناکۆکەکانیشەوە (26%)ـى بلۆکه‌كانی بەردەکەوێت.

 

باسى له‌وه‌شكردوه‌: وەزارەتی سامانە سروشتییەکانى هه‌رێم لە (56) بلۆکیاندا گرێبەستی لەگەڵ نزیکەی (40) کۆمپانیای بیانی کردوە،  لە سەرجەم بلۆکەکاندا پشکی حکومەتی هەرێمی کوردستان لە (20% - 25%) تێپەڕ ناکات.

 

هێماى بۆ ئه‌وه‌شكردوه‌: لە هەرێمی کوردستاندا تەنها (9) بلۆکی نەوتی لە قۆناغی بەرهەمهێناندان کە (7) بلۆکیان دەکەونە پارێزگای هەولێر و دهۆكەوە و رێژەی  (92.7%)ـى هەمو بەرهەمی نەوتی هەرێم پێکدەهێنن و (7.2%)یشی دەكەونە سنوری سلێمانی و گەرمیانەوە.