دەنگ نێت

 

ئاسایشی گەرمیان دەستگیرکردنی بکوژی ھاوڵاتیەک لە کفری رادەگەیەنێت کە دو کەسی دانیشتوی کفرین و بە رەگەز کوردن.

 

عوسمان عەبدولکەریم، وتەبێژی بەڕێوەبەرایەتی ئاسایش گەرمیان، لەکۆنگرەیەکی رۆژنامەوانیدا کە رادیۆی دەنگ ئامادەی بو، رایگەیاند:  دوای ئەوەی لە رێکەوتی 11/1/2022 هاوڵاتیەک بەڕەگەز عەرەبی دانیشتوی گوندی کاکوڵی کفری دیار نامێنێت، پاش گەڕان توانرا تەرمەکەی لە نزیک ئەو قەزایە بدۆزرێتەوە.

 

وتیشی: هێزەکانمان لەئاسایشی کفری توانیان لە رێگەی کامێرای چاودێری و مۆبایلەوە سەرەداوێک بدۆزنەوەو ئەوەبو لە رێکەوتی 3ی ئەم مانگە توانیمان ئەنجامدەرەکان دەستگیر بکەین.

 

وتەبێژی ئاسایشی گەرمیان باسی لەوەشکرد تۆمەتبارەکان کە بە رەگەز کورد و دانیشتوی قەزای کفرین، دانیان بەتاوانەکەیاندا ناوە کە کێشەکەیان لەگەڵ کوژراوەکەدا پەیوەندی بەپارە و مامەڵەکردنی نێوانیان بوە.

 

دەشڵێت: لەئێستادا هەردو تۆمەتبار بەپێی مادەی ٤۰٦ لەیاسای سزادانی عێراقی راگیراون.