ده‌نگ نێت

 

به‌هۆى كۆبونه‌وه‌ى قوڕو لیته‌یه‌كى زۆر له‌ ناو به‌نداوى باوه‌شاسوار تواناى گلدانه‌وه‌ى به‌نداوه‌كه‌ پێنج ملیۆن مه‌تر سێجا ئاوى هه‌یه‌ له‌ كاتێكدا كه‌ دروستكرا تواناى شه‌ش میلۆن مه‌تر سێجاى هه‌بوه‌.

 

عه‌زیز كه‌ریم، لێپرسراوى به‌نداوى باوه‌شاسوار له‌ قه‌زاى كفرى له‌مباره‌یه‌وه‌ به‌ رادیۆى ده‌نگى راگه‌یاند: "هه‌مو به‌نداوێكى خاكى له‌گه‌ڵ تێپه‌رینى كات ساڵ به‌ ساڵ به‌هۆى باران بارینه‌وه‌ قوڕ و لیته‌یه‌كى زۆرى تێدا كۆ ده‌بێته‌وه‌ به‌نداوه‌كه‌ى ئێمه‌ش خاكیه‌ و رێژه‌یه‌كى زۆر لیته‌ى تێدا كۆبوه‌ته‌وه‌، به‌ جۆرێك سه‌ره‌تا كه‌ دروستكرا تواناى گلدانه‌وه‌ى شه‌ش ملیۆن مه‌تر سێجا ئاوى هه‌بوه‌، كه‌چى ئێستا ته‌نها پێنج ملیۆن مه‌تر سێجا ئاو گلده‌داته‌وه‌.

 

وتیشى: بۆ پاككردنه‌وه‌ى بودجه‌یه‌كى زۆرى پێویسته‌ ره‌نگه‌ نیوه‌ى بودجه‌ى دروستكردنى به‌نداوه‌كه‌ى پێویست بێت، ئه‌گه‌رچى تاوه‌كو ئێستا خه‌مڵاندن بۆ بودجه‌كه‌ى نه‌كراوه‌.