دەنگ نێت

 

بەرپرسی ناوچەی گوڵانی پارتی دیموکراتی کوردستان له‌ كه‌لار رەخنە لە دەسەڵاتدارانی گەرمیان دەگرێت و پێیوایە لە ساڵی رابردودا ھیچیان بۆ ناوچه‌كه‌ نەکردوە.

 

رێبوار مستەفا، لە ھەژماری خۆی لە فەیسبوک نوسیویەتی: دەکرێ ئەم پرسیارەمان لە بەرپرسانی ئیدارەی ئێره هەبێت: ساڵ تەواوبو دوسایدکردنی کەلار سلێمانی چی ماوە؟ کەرتی تەندروستیتان لە چ ئاستێکدایە؟

 

دەشڵێت: ساڵی نوێ هات گەڕەکەکانی کەلارتان بە ناتەواوی و شپرزەی بەجێهێشتوە، قەڵای شێروانە بەو هیلاکیە ماوەتەوە، گوندەکان پشتگوێ خراون، رێگاوبانی ناحیه‌كان  شیتەڵبون و هەڵوەشاونەتەوە.

 

بەرپرس ناوچەکەی پارتی، رەخنە لە نەبونی شوێنی گەشتیارییش لە سنورەکە دەگرێت و بە تەنزەوە دەڵێت: "گەرمیان و ڕاپەرین و هەڵەبجە و سلێمانی تەنها جادەی سەهۆڵەکەی هەیە بۆ سەری ساڵ و داروبەردی خۆشی و ناخۆشیەکانی هاوڵاتیان! ئەویش بەنیوەچڵی! لەبێ شوێنی دوو هاوسەرۆکەکە لەوێ بەریەک کەوتن!".