دەنگ نێت

 

ئەمڕۆ لە نێوان ناحیەکانی سەرقەڵا و نەوجول سێ راوچی دەستگیرکران کە ئاسکێکیان راو کردوە، کەسەکان دانیشتوی سلێمانی و چەمچەماڵن.

 

سەرچاوەیەکی فەرمی کە نەیویست ناوی ئاشکرا بکرێت، بە رادیۆی دەنگی وت: ٣ کەسەکە لەکاتی راوکردن دا لە لەلایەن مەفرەزەیەکی پۆلیسی پاراستنی دارستانەوە دەستگیر کراون و دواتر رەوانەی بنکەی ناحیەی سەرقەڵا کراون و ئاسکێکی راوکراویشیان پێگیراوە، ھاوکات دەستیشگیراوە بەسەر ئەو چەکەی کە راویان پێکردوە.

 

رونیشیکردەوە: ئەو سێ کەسە خەڵکی سلێمانی و چەمچەماڵن.

 

لایخۆشیەوە بەڕێوبەری پۆلیسی پاراستنی دارستان و ژینگەی گەرمیان، جەختی لە ھەواڵەکە کردەوە.

عەمید: شوان محەمەد رەشید، بە رادیۆی دەنگی وت: 'راوچیەکان لە سنوری نێوان ناحیەکانی نەوجول و سەرقەڵا دەستگیر کراون'.

 

سەبارەت بەوەشی کە رادەگیرێن یان ئەو پرسە دەخرێتە دوای پشوی سەری ساڵەوە، باسی لەوەکرد: بە راگیراوی نامێننەوە و دەدرێنە دادگا و ئەو بڕیار دەدات.

 

بە وتەی سەرچاوەیەکی دیکە، 'راوچیە' دەستگیرکراوەکان کارمەندی ئەمنین، بەڵام بەڕێوبەری پۆلیسی دارستانی گەرمیان بێ ئاگایی خۆی دەربڕی و وتی: نەمپرسیوە.