ده‌نگ نێت

 

سەرباری چەندین کەموکورتی و دانه‌نانى تابلۆ و هێمای هاتوچۆ لەسه‌ر رێگای کەلار- کفری، بەڵام بەڕێوبەرێ رێگاوبانى گەرمیان دەڵێت رێگاکە ئەمڕۆ کراوەتەوە و هاتوچۆی لەسەرە.

 

بەبێ بونى هیچ ‌هێمایەکی هاتوچۆ له‌سه‌ر رێگاكه‌ و ته‌واونه‌كردنى كۆنكرێتى نێوانى رێگاكه‌ و ته‌واونه‌كردنى به‌شێكى رێگاكه‌ به‌ تایبه‌ت به‌ستنه‌وه‌ى شه‌قامه‌كان، ئەمڕۆ رێگای کەلار- کفری كرایه‌وه‌ و هاتوچۆی تێدا کراوە.

 

بەڕێوبەری رێگاوبانی گەرمیان عه‌دنان خه‌لیل بە رادیۆی دەنگی وت: ''هیچ ستونێکی روناکی لە رێگاکەدا دانەنراوە. وتیشى: رێگاکانی دیکەش ستونى روناكیان بۆ دانەنراوە.

 

باسی لەوەشکرد: رێگاکە هەڵگری هیچ تابلۆ و هێمایەکی هاتوچۆ نیە ئەوەش بەهۆی کەمی بودجەوەیه‌ کە  دەبێت بە هەماهەنگێ لەگەڵ هاتوچۆی گەرمیان بکرێت، بەڵام واده‌ى دانانى ئاشكرا نه‌كرد.

 

بۆ ماوه‌ى زیاتر له‌ 7 مانگه‌ به‌پێى ئه‌و رێژه‌یه‌ى كه‌ به‌ڕێوبه‌رایه‌تى رێگاوبانى گه‌رمیان رایگه‌یاندوه‌ رێگاى كه‌لار-كفرى %95ى كاره‌كانى ته‌واو بوه‌ ئه‌و رێژه‌یه‌شى كه‌ ماوه‌ته‌وه‌ تاوه‌كو ئێستا ته‌واو نه‌بوه‌ و كارى تێدا ناكرێت، به‌هۆى خه‌رج نه‌كردنى شایسته‌ داراییه‌كانى به‌ڵێنده‌ره‌وه‌.