ده‌نگ نێت

 

كۆمپانیای گازپرۆم رایده‌گه‌یه‌نێت نه‌وتى گه‌رمیان یه‌كێكه‌ له‌ باشترین جۆره‌كانى نه‌وت و خواستێكى زۆری له‌سه‌ره‌.

 

سێرگی پیترۆڤ، به‌ڕێوبه‌رى گشتى كۆمپانیای گازپرۆم نه‌فتى روسی له‌ رۆژهه‌ڵاتى ناوه‌ڕاست، له‌ میانه‌ى دیدارێكدا له‌گه‌ڵ كناڵی وڵاته‌كه‌ى، ئاماژه‌ى به‌ وه‌به‌رهێنانى خۆیانى كرد له‌ بوارى نه‌وت له‌ ئیداره‌ى گه‌رمیان كه‌ ئێستا كێڵگه‌ى نه‌وتى سه‌رقه‌ڵا/گه‌رمیان له‌لایه‌ن ئه‌و كۆمپانیایه‌وه‌ وه‌به‌رهێنانى تێدا ده‌كرێت.

 

به‌ڕێوبه‌ره‌كه‌ى كۆمپانیا نه‌وتیه‌ روسیه‌كه‌، ئاماژه‌ى به‌وه‌كرد: كه‌ نه‌وتى سنورى گه‌رمیان، جۆرێكى زۆر چاك و ده‌گمه‌نه‌ و رێژه‌ى ABI(ئه‌ى بی ئای)یه‌كه‌ى 40 بۆ 42ـه‌.

 

وتیشی: ئه‌م نه‌وته‌ به‌ نه‌وتى شیرین یان سوك ناوزه‌د ده‌كرێت و جۆرێكى چاكه‌ و كبریتی هایدرۆجینی كه‌مه‌ یان هه‌ر نیه‌تى و رێژه‌ى ئاویش تیایدا كه‌مه‌.