ده‌نگ نێت

 

نزیکەی ٢ مانگە بریاری تەرخانکردنی ١٦ ملیار دینار بۆچەند پڕۆژەیەک لە ئیدارەی گەریان دراوە، بەڵام ‌ هێشتا کاتی تەرخانکردنی ئەو بڕە پارەیە نادیارە، بەڕێوبه‌رى راگەیاندنی  ئیدارەی گەرمیانیش دەڵیت: بۆ خەرجکردنی، چاوەڕێی تەواوکردنی رێکارەکانی وەزارەتی دارایین.

 

بۆ جیبەجێکردنی چەندین پڕۆژە لەسنوری گەرمیان، دو مانگ پێشتر، سەرۆکی حکومەت بڕیاری تەرخانکردنی ١٦ ملیار دیناری دا، بەڵام هێشتا هیچ بڕە پارەیەک له‌و پارانه‌ بەئیدارەی گەرمیان نەگەشتوە.

 

بەوتەی بەرپرسی راگەیاندنی ئیدارەی گەرمیان، چاوه‌ڕێی ته‌واوكردنى رێكاره‌كانن.

 

چۆمان ئەحمەد، بە رادیۆی دەنگی وت: زانیاریی تەواومان نیە لەسەر کاتی گەیشتنی ئەو بڕە پارەیە بۆ سنوری گەرمیان،بەڵام رێکارەکان به‌رده‌وامن.

 

وتیشی: له‌ ئەنجومەنی وەزیرانه‌وه‌ رێكاره‌كان تەواو کراون و چاوەڕێی تەواوبونی رێکارەکانی وەزارەتی داریین لەسەر ئەو بابەتە.