ده‌نگ نێت

 

کێشەی کرێکارانی پاککەرەوەی لە گەرمیان وەکو خۆی ماوەتەوە و بۆ جارێکی دیکە دەستیان بە مانگرتن کردوه‌تەوە، سەرۆکی لیژنەی باڵای کۆکردنەوەی خۆڵ و خاشاکی گەرمیانیش: دەڵیت کۆمپانیا  دەبێت مووچەیان بۆدابین بکات.

 

گرفتی پێدانی مووچەی کارمەندانی پاکەرەوەی کۆمپانیایی گەردین لە گەرمیان بەچارەسەر نەکراوەی ماوەتەوە و تائێستا موچەیان دومانگى پێشویان بۆدابین نەکراوە، كارنه‌كردنى كرێكارانیش كێشه‌ى كه‌ڵه‌كه‌بونى زبڵ و خاشاكى له‌ گه‌رمیان هێناوه‌ته‌ ئاراوه‌.

 

لەبەرامبەردا سەرۆکی لیژنەی چاودێریی کۆکردنەوەی خۆڵ و خاشاکی گەرمیان، ئاماژه‌ به‌وه‌ده‌كات كه‌ ده‌بێت كۆمپانیاكه‌ موچه‌یان پێبدات و سبه‌ى ده‌ست به‌كار بكه‌نه‌وه‌.

هێمن جەلال، بە رادیۆی دەنگی وت: بە کۆمپانیامان راگەیاندوە دەبێت پابەند بێت بە پێدانی موچەی ئەو کارمەندانە، لەبەرامبەردا ئه‌وانیش بەڵێنی پێدانی موچەکەیان داوە.

 

وتیشی: تاکو سبەینێ (سێشه‌مه‌) دەبێت موچە به‌ كرێكاران بدرێت و دەست بە کارکردن بکەنەوە.

 

رادیۆی ده‌نگ بۆ زانینی قسه‌ى ئه‌وان له‌مباره‌وه‌، چه‌ند جارێك په‌یوه‌ندی به‌ به‌ڕێوبه‌رى کۆمپانیای گەردین-ه‌وه‌ كرد كه‌ كارى كۆكردنه‌وه‌ى خۆڵ و خاشاكى سنوره‌كه‌ ئه‌نجام ده‌ده‌ن، به‌ڵام په‌یوه‌ندیه‌كه‌ى بێوه‌ڵام بو.

 

پێشتریش كۆمپانیاكه‌ له‌ راگه‌یه‌نراوێكدا ئۆباڵی كێشه‌كه‌ى خستبوه‌ سه‌ر حكومه‌ت كه‌ سولفه‌ى پێویستی بۆ خه‌رج نه‌كردون بۆ ئه‌وه‌ى موچه‌ى كرێكارانى پێبده‌ن.