ده‌نگ نێت

 

بەڕێوبەرایەتی بەره‌نگاربونەوەی توندوتیژی دژی خێزان و ئافرەتان لە گەرمیان ئامارەکانی ده‌ مانگى ئەمساڵی راگەیاند بەرێژەی ٪٢٣ تۆمارکردنی حەڵەتەکانی توندوتیژی زیادی کردوە بەراورد بە پار ساڵ.

 

ئەیوب حسێن، وتەبێژی بەڕێوبەرایەتی بەره‌نگاربونەوەی توندوتیژی دژی خێزان و ئافرەتان بە رادیۆى دەنگی راگه‌یاند: کۆی حاڵەتەکانی تۆمار کردنی سکاڵا ساڵی پار ٧٢٩ سكاڵا بوە، به‌ڵام بۆ ئەمساڵ ٩٥٤ سکاڵا تۆمار کراون، بەمەش کۆی حاڵەتەکانی توندوتیژی لەماوەی ١٠ مانگی ئەمساڵدا بەرێژەی ٪٢٣ بەرزبۆتەوە .

 

ئەوەشی خستە رو: تاوانی کوشتن یەک حاڵه‌ت زیادی کردوە.

 

وتشى: بە بەراورد بەساڵی پار ئەمساڵ چوار حاڵەتی سوتان و دو حاڵەتی خۆسوتاندن تۆمارکراون.

 

ئەیوب حسێن، جه‌ختى له‌وه‌شكرده‌وه‌: بۆ ئەمساڵ تەنها شه‌ش حاڵەتی دەستدرێژی سێکسی تۆمارکراوە کە ساڵی پێشو ١١ حاڵەت بوه‌.