ده‌نگ نێت

 

وەزارەتی کشتوکاڵ و سەرچاوەکانی ئاوی هەرێم بەنداوەکانی سنوری گەرمیان ناخاتە لیستی ئەو بەنداوەنەی کە حكومەت پارە  بۆ تەواوکردنیان خەرج بکات، وه‌زیرى كشتوكاڵیش ده‌ڵێت: ته‌نها پاره‌ بۆ ئه‌و به‌نداوانه‌ خه‌رج ده‌كات كه‌ ٨٠٪ ته‌واو بوه‌.

 

لە سنوری گەرمیان هەردو بەنداوی باوەنور و بەردەسور هەن کە سەرباری وشکە ساڵی لەسنورەکە کارکردن تێیاندا دەستی پێنەکردوە، بەنداوى باوه‌نور کەمتر لە رێژەى ٤٠٪ کارکردنی تەواو بوە.

 

بێگەرد تاڵەبانی، وەزیری کشتوکاڵ و سەرچاوەکانی ئاوی هەرێم لەبارەی تەواونەکردنی به‌نداوه‌كانه‌وه‌ بە رادیۆى دەنگی وت: پێشنیارمان بۆ حکومەت کردوە تەنها پارە بۆ ئەو بەنداوانە خەرجبکات کە کارەکانیان بە رێژەی ٨٠٪ تەواو کراوە.

 

وتیشی: یەکێک لەو بەنداوانەى گه‌رمیان دەکەوێتە نێو ئەو ٩ بەنداوە ستراتیژیەی كه‌ بڕیارە ئەنجامبدرێت.