ده‌نگ نێت

 

تادێت قوتابخانە کوردییەکانی قەزای خانەقین چۆڵدەبن و فێرخوازان رو لە قوتابخانە عەرەبیەکانی نێو قەزاکە دەکەن، به‌ڕێوبه‌رى په‌روه‌رده‌ى قه‌زاكه‌ش هۆکارەکەی بۆ پشتگوێخستن و گرنگی نەدان بەبیناو پێداویستی قوتابخانە کوردەیەکان دەگەڕینیتەوە.

 

له‌ نێو قه‌زاى خانه‌قین ٧٩ قوتابخانه‌ هه‌یه‌ كه‌ زۆرینه‌ى قوتابخانه‌كان بۆ خوێندنى عه‌ره‌بین كه‌ ژماره‌یان ٤٥ قوتابخانه‌یه‌ و ٣٤ قوتابخانه‌شیان بۆ خوێندنى كوردین.

 

حەسەن محه‌مه‌د، بەڕێوبەری پەروەردەی خانەقین سەر بە وەزارەتی پەروەردەى حكومه‌تى هه‌رێمى كوردستان بە رادیۆى دەنگی راگه‌یاند: "هۆکار زۆرن بۆ ئه‌وه‌ى خوێندكاران  رو لە خوێندنگا عەرەبیەکان بکەن".

 

ئاماژه‌ى به‌وه‌شكرد: ئێمە بەپێى پێویست بینامان نیە و پێداویستی خوێندکارمان بۆ دابین ناکرێت، بەڵام ئەمە بۆ قوتابخانە عەرەبیەکان بەپێجەوانەوەیە لە ئێمە لە پێشترن.

 

وتیشی: لەئێستادا پێویستمان بە نزیکەی ٨ قوتابخانە هه‌یه‌ لەقەزاکەدا و بۆمان نەکراوە، بەپێچەوانەی قوتابخانه‌ عەرەبیەکان تەنها لەم ساڵدا حه‌وت قوتابخانەیان دروست کردوە.