ده‌نگ نێت

 

کارمەندانی بەستنی پێوەری ئاو لە کەلار ماوەی پێنج رۆژە مانیان گرتوە و کاری هاوڵتیان رایی ناكه‌ن، بەڕێوبەری ئاوی کەلاریش دەلێت بەشداریان لە خولێکی نوێ بەستنی پێوەری ئاوی ماڵان کردوە.

 

بە پێی بەدواداچونێکی رادیۆی دەنگ، ماوه‌ى پێنج رۆژه‌ كارمه‌ندانى كۆمپانیاى به‌ستنى پێوه‌رى ئاو له‌ كه‌لار مانیان گرتوه‌و سەرباری ئەوەی هاوڵاتیان سەردانی بەڕێوبەرایەتی ئاوی کەلاریان کردوە، بەڵام مامەڵەکانیان رایی نه‌كراوه‌.

 

له‌م باره‌یه‌وه‌ سامان رەحیم، بەڕێوبەری ئاوی کەلار به‌ رادیۆى ده‌نگى راگه‌یاند: ئه‌و كارمه‌ندانه‌ مانیان نه‌گرتوه‌ به‌ڵكو بەشداری خولێکی بەستنی پێوه‌ری ئاویان کردوە.