ده‌نگ نێت

 

له‌ گه‌رمیان په‌تایه‌كى هاوشێوه‌ى كۆرۆنا بڵاوبوه‌ته‌وه‌ و پێكوته‌ى په‌تاكه‌ش له‌ بنكه‌كانى سنورى گه‌رمیان نه‌ماوه‌.

 

كامه‌ران محه‌مه‌د، به‌ڕێوبه‌رى خۆپاراستنى ته‌ندروستى گه‌رمیان به‌ رادیۆى ده‌نگى راگه‌یاند: ئه‌و په‌تایه‌ نیشانەکانی وەک ڤایرۆسی کۆرۆنایە بۆیە خەڵکی بە ئاسانی بۆیان جیا ناکرێتەوە.

 

وتیشى: پەتایەکی وەرزیەو هیچ مەترسیەکی بۆ سەر تەندروستی کەسی توشبو نیە.

 

ئاماژەی بەوەشدا: پێکوتەی پەتاکە بەسەر بنکە تەندروستیەکاندا دابەشکراوه‌، بەڵام بیست  رۆژ دەبێت پێکوتەی ئەو پەتایە تەواو بوە.  

 

ئه‌و په‌تا وه‌رزیه‌ى كه‌ بڵاوبوه‌ته‌وه‌ نیشانه‌كانى به‌شى زۆرى هاوشێوه‌ى ڤایرۆسى كۆرۆنایه‌ كه‌ نیشانه‌ دیاره‌كانى ( قورگ ئێشە و سەرئێشە و كۆكه‌ و لەرز و به‌رزبونه‌وه‌ى پله‌ى گه‌رمى له‌شه‌).