دەنگ نێت

 

لە هێرشێکی چەکداریدا، لە رێگەی نێوان کفری- سەرقەڵا، دو کەس گیانیان لەدەستدا و دو کەسیش بریندار بون کەیەکێکیان ژنێکە.

 

ئەمشەو ژمارەیەک چەکدار کە گومان دەکرێت ‘داعش’ بن، رۆیشتونەتە سەر جادەی سەرەکی کەلارـ کفری  لە نزیک گوندی ساڵحیە، دو کەسیان بەناوەکانی (جێگر خەلیفە و یوسف ئیحسان) کوشتوە و هاوڵاتیەکیشیان بەناوی (ئیحسان قەساب) و ژنيکیشیان بریندار کردوە.

 

دوای روداوەکە هێزەکانی ئاسایش و دەزگا ئەمنیەکان بەرەو شوێنی روداوەکە جوڵەیان پێکراوە و لە ئێستادا سەرقاڵی لێکۆڵینەوەن لە چۆنیەتی روداوەکە.

 

بەپێی قسەی شایەتحاڵەکان کە تائێستا بەفەرمی پشتڕاست نەکراوەتەوە، چەکدارەکان لەسەر رێگاکە بازگەیان داناوە و دوای ئەنجامدانی هێرشەکە، ناوچەکەیان جێهێشتوە و هەڵاتون.