ده‌نگ نێت

 

رێژه‌ى توشبون له‌ نیوه‌ى مانگى ئاب له‌ گه‌رمیان، (16.58%)ـه‌، رێژه‌كه‌ش هه‌فته‌ دواى هه‌فته‌ روی له‌ زیاتر بون كردوه‌.

 

به‌پێی شیكاریی رادیۆی ده‌نگ بۆ ئاماره‌ راگه‌یه‌نراوه‌كانى كۆرۆنا له‌ گه‌رمیان له‌ مانگى ئابى 2021 دا، هەفتەی یەکەم رێژەی توشبون (12.205%) بوە، به‌ڵام له‌ هەفتەی دوەم دا رێژه‌ی توشبون به‌رز بوه‌ته‌وه‌ بۆ(20.696%).

 

هاوكات له‌ دو رۆژی هەفتەی سێیەمیش دا، رێژه‌ی توشبون (22.59%) بوە.

 

خشته‌ى توشبونى كۆرۆنا له‌ نیو مانگى ئابی 2021

 

 

به‌پێی ئاماره‌كانى وه‌زاره‌تى ته‌ندروستى، لە ماوەی 15 رۆژی مانگی ئاب دا له‌گه‌رمیان، لە کۆی 6129 پشكنینی كۆرۆنا، هه‌زار و 16 پشكنینیان پۆزەتیڤ بوە، بەمەش رێژەی توشبون له‌م نیو مانگه‌دا، (16.58%) بوه‌.

 

هه‌ر به‌گوێره‌ى ئه‌و داتایه‌، ژمارەی مردن بە ڤایرۆسەکە لە ماوەی ئەم 15 رۆژه‌دا، 9 کەس بوە، به‌مه‌ش رێژه‌كه‌ی ده‌كاته‌ (0.886%).