ده‌نگ نێت

 

پشكى گه‌رمیان له‌ به‌شه‌ بودجه‌ى په‌ره‌پێدانى پارێزگاكان ١٢ ملیارو  ٥٨٦ ملیۆن دیناره‌ و بڕیاره‌ ١٢ پرۆژه‌ به‌و پاره‌یه‌ ئه‌نجامبدرێت ئه‌گه‌ر پاره‌كه‌ ره‌وانه‌ بكرێت.

 

به‌ پێی یاسایی بودجه‌ى عێراق بره‌ پاره‌یه‌ك بۆ هه‌رێمى كوردستان دانراوه‌ بۆ په‌ره‌پێدانى پارێزگاكان كه‌ پشكى گه‌رمیان له‌و پاره‌یه‌ ١٢ ملیارو  ٥٨٦ ملیۆن دیناره‌، به‌ڵام هاتنى ئه‌و بڕه‌ پاره‌یه‌ په‌یوه‌سته‌ به‌ جێبه‌جێكردنى یاسای بودجه‌وه‌ و تا ئێستا واده‌ى هاتنى دیارى نه‌كراوه‌.

 

له‌باره‌ى ئه‌و پرۆژانه‌ى كه‌له‌سه‌ر ئه‌و بره‌ پاره‌یه‌ ئه‌نجامده‌درێن كه‌ریم عه‌لى، ئه‌ندامى ئه‌نجومه‌نى پارێزگاى سلێمانى به‌ رادیۆى ده‌نگ وت: له‌ ئه‌نجومه‌نى پارێزگا بڕیار له‌ جێبه‌جێكردنى ١٢ پڕۆژه‌ دراوه‌ بۆ گه‌رمیان له‌و پاره‌یه‌.

 

ئاماژه‌ى به‌وه‌شكرد: تا ئێستا واده‌ى ناردنى پاره‌كه‌ له‌ لایه‌ن حكومه‌تى عێراقه‌وه‌ دیارى نه‌كراوه‌.

 

خشته‌ى ئه‌و پڕۆژانه‌ى بریارى لێدراوه‌ له‌ بودجه‌ى په‌ره‌پێدانى پارێزگاكان ئه‌نجامبدرێت